Skipulagshópur: Heilsu- og útivistarbærinn Hveragerði

Í hópnum sem settist að borði og skoðaði heilsu- og útivistarbæinn Hveragerði voru 10 manns. Umræðurnar í hópnum snéru mikið að því að bæta ímynd Hveragerðis sem heilsubæjar. T.d. þyrfti að bæta frágang göngustíga, fjölga stígum og jafnframt tengja saman þá sem í net. Þá stakk hópurinn upp á því að merkja gönguleiðir og gefa þeim nafn, e.o. "Vetrarbrautina", samtengda stíga sem eru upphitaðir og því göngufærir allan ársins hring. Þá stakk hópurinn upp á ýmsum fleiri útivistar- og tómstundamöguleikum, baðaðstöðu við Baulu og víxlböðum á hverasvæðinu. Sú hugmynd kom fram að gefa gömlum gróðurhúsum nýtt líf og hafa þar ýmsa tómstundaaðstöðu.