Hugmyndir 9. bekkjar Grunnskólans í Hveragerði

Allt unglingastig Grunnskólans vann hugmyndavinnu fyrir íbúaþingið, en þau veltu fyrir sér kostum og göllum Hveragerðis og hverjir væru draumarnir. Fulltrúi 9. bekkja kynnti helstu niðurstöður á íbúaþinginu. Unglingarnir voru jákvæðir í garð Hveragerðis og ánægðir með að búið væri að opna félagsmiðstöðina aftur. En þau vildu þó að aðstaða til ýmissar tómstundaiðkunar væri bætt, t.d. með bættum boltavöllum og línuskauta- og hjólabrettasvæði.

Kostir:

• Skólinn okkar er stór og aðbúnaður góður. Við höfum nýja skólastofu, raungreinastofu og síðast en ekki síst heimilisfræðistofu.
• Nemendur fá verkefni við sitt hæfi, samskipti við kennara og starfsfólk í fínu lagi.
• Innan bæjar eru stuttar vegalengdir, umferð er frekar lítil og örskot til Reykjavíkur.
• Það er búið að opna félagsmiðstöðina eftir margra mánaða hlé.
• Umhverfið og náttúran í Hveragerði er mjög falleg. Hér eru margar náttúrulífsperlur.

Gallar:

• Einn stærsti gallinn í Hveragerði er sá að íþróttahúsið er alltof lítið! Það annar engan veginn þeirri eftirspurn sem er eftir tímum í húsinu.
• Enginn gervigrasvöllur.
• Lélegir körfuboltavellir.
• Íþróttastarfið líður fyrir það að aðstaðan er ekki nógu góð. Hér er ekki hægt að stunda handbolta eða frjálsar íþróttir.
• Hér er ekkert línuskauta- og hjólabrettasvæði. Á þannig svæði væri hægt að stunda street-hokký.

Draumar:

• Yfirbyggður gervigrasvöllur.
• Gamla hótelið notað undir félagsstarf unglinga.
• Stækkun á íþróttahúsinu og þar komið upp aðstöðu fyrir frjálsar íþróttir og handbolta.
• Að sett verði upp rennibraut og leiktæki í sundlauginni í Laugaskarði.
• Að hanna og skipuleggja línuskauta- og hjólabrettasvæði með rampi og mörkum til að spila streethokký.