Alta ráðgjafarfyrirtæki

Alta aðstoðaði Landmælingar Íslands við að kanna stöðu landupplýsinga hjá sveitarfélögum vegna innleiðingar INSPIRE áætlunar Evrópusambandsins. Könnunin fór fram haustið 2009 í góðu samstarfi við Samband íslenskra sveitarfélaga. Útbúið var vefviðmót þar sem skipulagsfulltrúar sveitarfélaganna gátu slegið inn svör á einfaldan hátt. Í sumum smærri sveitarfélögum svöruðu sveitarstjórar.

Af svörum má ráða að INSPIRE áætlunin sé ekki vel þekkt meðal sveitarfélaga enda nýta mörg þeirra landupplýsingar í mjög takmörkuðum mæli, einkum þau smærri. Yfirleitt er meðferð landupplýsinga á höndum ráðgjafa sem fást við tiltekna þætti, t.d. grunnkerfi eða skipulag. Stærri sveitarfélögin standa betur að vígi og hafa ítarlegri upplýsingar þrátt fyrir lægri kostnað á hvern íbúa.

Skýrsluna má nálgast hér.