Til leigu fyrsta flokks atvinnuhúsnæði, 161 m2, á annarri hæð í Ármúla 32.

Allt húsnæðið er nýuppgert, vandað og fallegt. Vinnurýmið er opið, með tveimur fundarherbergjum, þar sem annað er tengt mataraðstöðu.

Við endurbætur húsnæðisins var lögð áhersla á að skapa þægilegt vinnurými sem tekur tillit til heilsu og umhverfis. Notaðar eru bestu fáanlegar loftaplötur til að tryggja góða hljóðvist.

Á gólfum er olíuborinn korkur. Húsnæðið er bjart en með sólarvörn til að koma í veg fyrir óþægilega birtu og hitun. Óbein lýsing af bestu gerð.
Notaðir eru umhverfisvænir valkostir; byggingarefni, t.d. málning, gólfefni og loftaplötur (ofnæmisprófaðar) sem og umhverfisvænar lausnir, t.d. ljósastýring, hreyfiskynjarar, loftræsting og vatnssparandi klósett.

Ljósleiðaratenging tryggir öflugt netsamband. Húsnæðið má aðlaga að þörfum leigjanda.

Hér eru nánari upplýsingar um umhverfisáherslur í húsnæðinu.

Hér er teikning þar sem fram kemur hugmynd um niðurröðun vinnustöðva.

Áhugasamir hafi samband við Halldóru Hreggviðsdóttur, halldora@alta.is, sími 582 5000.