Verkefni

Vestmannaeyjabær undirbýr uppsetningu á brennslu- og orkunýtingarstöð fyrir óflokkaðan úrgang á lóð móttökustöðvar fyrir úrgang í Eyjum. Alta var ráðgjafi Vestmanneyjabæjar í umhverfismatinu og vann samhliða nýtt deiliskipulag fyrir móttökustöðina.

Lóð móttökustöðvarinnar hefur verið endurskipulögð í deiliskipulaginu og nýju móttökusvæði fyrir flokkaðan úrgang, meðhöndlunar-, flokkunar- og geymslusvæði komið fyrir auk aðstöðu til móttöku spilliefna og starfsmannaaðstöðu. Nýtt svæði fyrir móttöku úrgangs frá almenningi hefur einnig verið skipulagt og verður lóðin endurgerð með sandfangi og olíugildru.