Verkefni

Grunn-munnstur-05.png

Gönguvænn og blágrænn Grundarfjörður

Alta vann að stefnumótun og innleiðingu

Grundarfjörður hefur breikkað og fjölgað göngusvæðum og bætir götutengingar svo bærinn verði öruggari fyrir vegfarendur. Blágrænum gróðursvæðum - ofanvatnslausnum er samhliða bætt við bæjarumhverfið og álagi þannig létt af holræsakerfi bæjarins.

Byggt er á stefnu í Aðalskipulagi Grundarfjarðar 2019-2039, sem Alta aðstoðaði bæinn við. Alta aðstoðaði einnig við skipulag og innleiðingu blágrænu ofanvatnslausnanna og grænu svæðanna.

Ávinningur blágrænna ofanvatnslausna er margþættur; þær auka umhverfisgæði, styðja við líffræðilegan fjölbreytileika, bæta gæði vatns og draga úr vatnsmagni í fráveitunni. Bærinn verður grænni og gönguvænni, sem bætir um leið lífsgæðin.