Nýjar loftmyndir: Grundarfjörður og Sjáland

18-05-2013

Með hækkandi sól eru farnar að bætast myndir í loftmyndasafn Alta. Nú síðast bættust við myndir af Sjálandi í Garðabæ og af Grundafjarðarbæ.

Nú eru í safninu alls rúmlega 2500 myndir. Hér má sjá yfirlit: www.alta.is/loftmyndir.

Vatnajökulsþjóðgarður með Vakann

03-05-2013

Alta hefur undanfarið unnið með Vatnajökulsþjóðgarði að því að búa þjóðgarðinn undir þátttöku í Vakanum, sem er gæða- og umhverfiskerfi ferðaþjónustunnar. Lokapunkturinn var á ferlinu var 2. maí s.l. þegar þjóðgarðurinn fékk viðurkenningu í gæðakerfi Vakans og gullmerki, þ.e. hæsta stig, í umhverfiskerfinu.  Kröfur Vakans falla vel að markmiðum Vatnajökulsþjóðgarðs sem eru að vernda náttúru svæðisins, gefa almenningi kost á að kynnast og njóta náttúru, menningar og sögu, fræða um náttúru, og náttúruvernd, stuðla að rannsóknum og styrkja byggð og atvinnustarfsemi í nágrenni þjóðgarðsins.

Nánar er sagt frá afhendingunni á vef þjóðgarðsins, sjá hér

Hvernig sköpum við græna framtíð?

30-04-2013

Sigurður Bogi Sævarsson blaðamaður á Morgunblaðinu spjallaði við Halldóru Hreggviðsdóttur framkvæmdastjóra Alta um græna framtíð. Viðtalið birtist í Morgunblaðinu þann 25. apríl 2013.

-----

“Atvinnulífið á mikla möguleika til vaxtar og sóknar með þátttöku í því að skapa græna framtíð. Grundvöllurinn er auðvitað sá að áhugi neytenda sé til staðar og sú er líka raunin. Jarðvegurinn er frjór. Fólk er orðið meðvitaðara um umhverfismál, til að mynda um mikilvægi þess að vara sé framleidd með ábyrgum hætti og að ekki sé gengið á höfuðstól náttúrunnar," segir Halldóra Hreggviðsdóttir framkvæmdastjóri ráðgjafafyrirtæksins Alta.

Lesa meira...

Nýr vefur um námur

26-04-2013

Það er afar mikilvægt að skipuleggja efnistöku og frágang vel og huga að áfangaskiptingu, þ.a. sjónræn áhrif efnistöku séu sem minnst. Jarðefni þarf til flestra framkvæmda og hagkvæmt að nýta efni sem næst notkunarstað. Þegar vel er að verki staðið við skipulag og frágang efnistökusvæða, sjást lítil sem engin ummerki eftir.

Nýr vefur, namur.is, var opnaður í dag, þar sem leiðbeint er um allt sem varðar efnistöku og frágang náma. Vefurinn er ætlaður öllum þeim sem þurfa að nema efni til framkvæmda og byggir á leiðbeiningum sem gefnar voru út árið 2002 "Námur - Efnistaka og frágangur" og Halldóra Hreggviðsdóttir hjá Alta ritstýrði í samstarfi við verkefnishóp frá Landsvirkjun, Vegagerðinni, Umhverfisstofnun og umhverfisráðuneytinu. Sjá nánari upplýsingar hér á vef Umhverfisstofnunar.

Það er mikið framfara skref að uppfæra leiðbeiningarnar og auðvelda aðgengi að þeim, Því er opnun vefsins namur.is okkur hjá Alta mikið fagnaðarefni.

Úttekt á loftgæðum og lýðheilsu

23-04-2013

Alta fagnar útkomu nýrrar úttektar á loftgæðum og lýðheilsu. Í ritinu, sem ber heitið Hreint loft - betri heilsa (ritið má sækja hér), er fjallað um helstu mengunarvalda lofts bæði inni og úti á Íslandi, magn þeirra, áhrif þeirra á heilsu, vöktun og aðgerðir til að stemma stigum við skaðsemi þeirra. Einnig eru settar fram tillögur til úrbóta og mælt með umhverfis- og heilsuvísum sem má nota til að fylgjast með loftmengun af ýmsu tagi og áhrifum hennar á heilsu. Þetta er fyrsta heildarúttekt á loftgæðum á Íslandi og hefur víðarmiklum upplýsingum þar að lútandi verið safnað saman í ritinu. Meðal annars er vísað í rannsókn á loftgæðum í grunnskólum Reykjavíkur sem unnin var af Vöndu Hellsing er starfar sem ráðgjafi hjá Alta. Nánari upplýsingar um útgáfu ritsins má nálgast á vef umhverfisráðuneytisins.