Höfn í nútíð og framtíð var rædd á vel sóttum íbúafundi 12. október sl. Fundurinn var hluti af endurskoðun aðalskipulags sveitarfélagsins. Um 50 manns tóku þar þátt í fjörugum umræðum sem skiluðu heilmiklu efni fyrir okkur skipulagsráðgjafa hjá Alta og umhverfis- og skipulagsnefnd að vinna úr. Efnið verður nýtt við að móta tillögur að markmiðum og skipulagsákvæðum í nýju aðalskipulagi, sjá nánar um endurskoðun aðalskipulagsins hér á þessum vef.
