Nýtt myndband: Framtíðarsýn fyrir vestanvert Kársnes

Kópavogsbær hefur gefið út nýtt myndband þar sem fjallað er um framtíðarsýn, íbúaþátttöku og skipulagsáform á vestanverðu Kársnesi. Sýnin er fest í sessi í rammahluta aðalskipulags Kópavogs fyrir vestanvert Kárness sem Alta vann með Kópavogsbæ.

Í myndbandinu fara Auður Dagný Kristinsdóttir (skipulagsfulltrúi Kópavogsbæjar), Halldóra Hreggviðsdóttir (ráðgjafi hjá Alta) og Jóhann Jökull Ásmundsson (íbúi á Kársnesi) yfir það sem framundan er á svæðinu.

Leiðarljós skipulagsins er að skapa heildstætt og aðlaðandi umhverfi til búsetu, atvinnu og afþreyingar. Hverfið er sérlega vel staðsett á höfuðborgarsvæðinu og mun tilkoma Fossvogbrúarinnar tengja það á einstakan átt við háskólasvæðið í Vatnsmýri, Landspítalann og miðborg Reykjavíkur. Það verður þannig að einnig að mikilvægum viðkomustað Borgarlínunnar.

Við áframhaldandi þróun svæðisins er rík áhersla lögð á að varðveita sérstöðu hverfisins, styðja við fjölbreytta byggð og tryggja nálægð við náttúruna. Greinargerð skipulagsins má kynnar sér hér.

Staða mála: Myndbandið er gefið út í tengslum við rammahluta aðalskipulags fyrir vestanvert Kársnes, sem þegar hefur verið samþykkt af bæjarstjórn og er nú í staðfestingarferli.

Íbúar og aðrir áhugasamir eru hvattir til að kíkja á myndbandið og kynna sér framtíð Kársnessins!