Svæðisskipulag
Sameiginleg stefna til að stilla saman strengi
Svæðisskipulag er stefnumótandi áætlun nokkurra sveitarfélaga þar sem sett er fram sameiginleg framtíðarsýn og markmið til að ná þeirri sýn fram. Þetta er heppileg leið fyrir sveitarfélög til að stilla saman strengi og vinna að stærri hagsmunamálum í sameiningu.
Alta tekur að sér að verkstýra og móta svæðisskipulag í heild sinni í samstarfi við sveitarstjórnir, eða sinnir tilteknum þáttum við skipulagsgerðina.
Mikil reynsla
Hjá Alta er mikil reynsla af gerð svæðisskipulaga þar sem sameiginleg stefnumótun er sett fram þvert á sveitarfélög á ákveðnu svæði. Svæðisskipulag Austurlands, Svæðisskipulag Snæfellsness og Svæðisskipulag Dalabyggðar, Reykhólahrepps og Strandabyggðar voru mótuð undir leiðsögn okkar. Alta sá einnig um gerð umhverfisskýrslu fyrir Svæðisskipulag höfuðborgarsvæðisins.
Efling byggðar
Svæðisskipulagsverkefnin hafa m.a. snúist um að styrkja atvinnulíf og byggð með því að greina tækifæri sem búa í auðlindum og sérkennum svæða. Á þeim grunni er mótuð skipulagsstefna sem styður við markmið í atvinnu-, samfélags- og umhverfismálum.
Góð verkefnastjórn
Svæðisskipulagsgerð snýst um góða yfirsýn og aðkomu margra aðila. Hún krefst því ekki síst góðrar verkefnastjórnunar með skýrri tímalínu og virðingu fyrir skipulagsferlinu.
