Umhverfismat
Umhverfismati er ætlað að tryggja að tekið sé tillit til umhverfissjónarmiða við mótun stefnu, áætlana og við útfærslu framkvæmda.
Við hjá Alta höfum áratugareynslu af mati á umhverfisáhrifum, námskeiðshaldi þeim tengdu, og höfum meðal annars komið að gerð leiðbeininga um umhverfismat fyrir Skipulagsstofnun.
Við leggjum áherslu á markvisst matsferli, greiningu á mikilvægustu umhverfisþáttunum og gott samstarf við lykilhagsmunaaðila.
Umhverfismat áætlana
Matið felst í því að greina líkleg áhrif áætlunar á einstaka umhverfis- og samfélagsþætti, sem og á umhverfið í heild sinni.
Mikilvægt er að samtvinna matið við forsendugreiningu og stefnumótun til að forðast tvíverknað og tryggja að matið nýtist sem best við ákvarðanatöku
Umhverfismat framkvæmda
Mati á umhverfisáhrifum framkvæmda er ætlað að draga eins og kostur er úr neikvæðum áhrifum þeirra.
Við mat á umhverfisáhrifum er góð yfirsýn og skilningur á heildar samhengi framkvæmdar og umhverfis gríðarlega mikilvægt til að tryggja sem hagfelldasta útkomu fyrir umhverfi og samfélag. Samspil við skipulagsáætlanir og stefnumörkun stjórnvalda er einnig mikilvægur þáttur að horfa til.
